عشق الروح _____☆☆_____بقلم / الشاعر عارف شلش الساعدي

(عشق الروح)

شعر عارف شلش الساعدي

صحيح العين حست
 بيك التشوف

بجمالك والحسن
 وشكاتب ايراع

وعن صوتك وطولك
 وكلشي البيك

ولكن هالبشر
اجناسها انواع

بكلامي تدري أحس
 عصارة الروح

يالتحكي بكلامك
حس بالاوجاع

 وعشق روحي الروح
 يبقى للموت

ماينفصل مثل
 الجسد للقاع

وتظل أرواحنه
 امعانقه بشوق

 ولك مثل السفينه
 الحامله اشراح

لها عالم الخاص
 اهناك يهواي

ولان روحي اويه
 روحك نفس الاطباع