يا اعز الأحبه_____☆☆____ بقلم / الجوهري عبد الله

الجوهري عبدالله

يااعز الاحبه..

ماتبخليش..علي بحبه
من حنانك..والمحبه
وارجعى..واسقينى حبه
ياللى قاعده..ومستتبه
فوق عرش الاحبه
والجميع ملك ايديكى

عمرى مابخلت عليكى..
بفتفوتة محبه
ومن جنوحى..رميت بروحى..
ف بحور عينيكى

زهرة الحب النديه..
الجنين اللى اتولد..على ايديكى
وهبته ليكى
كل حاجه حلوه عندى
قدمتها..
بصفو نيه..هديه
مني..ليكى

لو تغيبى عني يوم
الآه تطق..بين ضلوعى
مواويل.. ف العشق خضره
تراتيل ..بلون عينيكى

تحلفك ماتبكنيش..
ذي النهارده
وتدبلى فى عودى ورده
لما ارجع والتقيكى
طير مهاجره فى مجره
خاصه بيكى

مين ساعتها.. اشتكيله
مين غيرك..ينصفنى منك..
ويقاضيكى

وانت قاضى..
فى حكمه..ماضى
والامل.. كله فيكى

والميزان ف الحب..
عمره مايتعدل
الا بيكى

جوهريات