جرح لبنان ______☆☆_____ كلمات والقاء الشاعرة سهير عيسى - لبنان -

جرح لبنان

لبنان الغالي موجوع
الأرز يبكي على اولاده
البنت الغالية مصابة
بيروت جروحها  تنزف
صابوها بجرح كبير
ما بيداوى شو ما صار
 عالشهداء تبكي دم
عالجرحى صاروا كتار
وينك يا اجمل عروس
ثوبك ابيض قطعوه
قتل ودمار وفساد
قساوة حقد وقهار
انتهكوا حرمة كل دار
ضووا شمعة الآلام
وأضرعوا للجبار
يحاكم وحوش الفساد
ينتقم لكل طفل وختيار
بيروت ما تخافي
نحن ولادك الجبار
عانينا ظلم وفساد
شهيد صار بكل دار
ما عاد يهمنا الي صار
عحبك زدنا إصرار
اسود ما تخاف النار
رح ترجعي شمعة أحرار
بقلوبنا والزينه تعم كل دار
طول عمرك كنت عروس
محبوبه لكل الزوار
ابوابك كلها مفتوحة
عطر ورودك فواحة
كوني قوية يا أمي
بيروت لا تنهزمي
شعبك هز العالم بالإصرار..
جروحنا بتعمي كل جبار

بيروت عروس رح تبقي
تاج مرصع بالألماس
عطرك رح يشفي لجروح
بحضنك كلنا رح نكون
نلملم كل الآلام
ونبني كل بيت ودار
بيروت إنت الحياة
حضن دافي لكل جار
ما يهمك كل الي صار
والحق بيبقى حق
ولادك  ما بينسوا شهداء الانفجار ..

         سهير عيسى