اتمنيتك واتمناكي _____☆☆____/ بقلم أ. محمد حامد

اتمنيتك واتمناكي
من لحظة عيني جات ف عنيكي
قلت انتي
اللي القلب يدور عليكي
حس أنك
صوت النبض وقت صورتك
 اتحددت واتلونت فوق جدارة
عاش معاها ويه نجمه
 في عز ليله
وشمسه في نهارة
أيوة انتي طبيعه الكون
بدر الليل وشمس نهار
بحر وموج ومركب ماشيه
في وسط بحار
انتي فصول تقويم العام
وهمسك لحظة ف خيالي
جمال الربيع
يكسي الأرض جمال وخضار
وانا مش أيأس أني اشوفك
ولا أتوجع من الانتطار
مسير شمس اللقي تسطع
تحضن هوايه
وتحول ظلام ليلي نهار
والقلب يردد في دقاته
اتمنيتك واتمناكي
ولو طال الانتظار
كلماتي وتوقيعي ( محمد حامد)