بتحبني ____☆☆____ بقلم / الشاعرة المصرية هويدا عبد الرحمن

بتحبنى
عرفه الاجابه من
قبل ما تقولها
بس بحب دايما منك
اسمعها
بتاسرنى بتحيينى 
بتجرى الدم جوه شراينى
لما لسانك بيقولها
فى كل وقت سمعهالى
خلينى احس بكيانى
وانى دايما موجوده فى
فكرك اسال تجاوبنى
بسهوله
بتحبنى
عايزاك تقولها حرف حرف
مايهمنيش زمان ولا وقت
ولا ظرف اول ما طلبها
قولها لاجل تشجينى
قولهالى جوه غنوه خلى
قلبى يرقص جوه ضلعى
لما يسمعها اه من حلاوتها
اه منها عايزه احس
بمفعولها واشبك فيها واعدلها
ومن جمال رنتها
اقول اه ياعينى
ياليلى
بتحبنى ،،،،،،،،
هويدا